ՄԱԿ-ը հանդես է եկել Եվրոպայում էմիգրանտների ճգնաժամը կարգավորելու կոչով
ՄԱԿ-ի փախստականների հարցերով գերագույն հանձնակատար Ֆիլիպո Գրանդին Եվրամիության անդամ երկրներին կոչ է արել իրենց վրա վերցնել Իտալիայի ափամերձ գվարդիայի նավում գտնվող 150 էմիգրանտների պատասխանատվությունը:
Ինչպես հաղորդում է Associated Press- ը, այս միջազգային կառույցը շաբաթ օրն Իտալիային կոչ է արել թույլ տալ, որպեսզի էմիգրանտները անհապաղ դուրս գան «Դիչուտի» նավից:
Ժնևում ՄԱԿ-ի փախստականների հարցերով գերագույն հանձնակատար Ֆիլիպո Գրանդին հրապարակել է հաղորդագրություն, որում ընդգծել է.«Արդեն ժամանակն է, որ եվրոպական երկրները վերջ դնեն փախստականների նկատմամբ ավելի քիչ պատասխանատվություն ստանձնելու մրցությանը և ճիշտ որոշում կայացնեն Միջերկրական ծովից փրկված փախստականներին ընդունելու վերաբերյալ»:
Իտալիայի ափամերձ գվարդիան օգոստոսի 16-ին էմիգրանտներին փրկեց մաքսանենգ բանդաների նավից: Իտալիայի կառավարությունը հայտարարել է, որ քանի դեռ եվրոպական երկրները էմիգրանտներին ընդունելու որոշում չեն կայացրել, վերջիններիս չի թույլատրվի դուրս գալ նավից:
