Ամերիկացի զորայինները կենսաբանական կասկածելի փորձարկումներ են կատարել Վրաստանի բնակչության վրա
Վրաստանի կառավարության նախկին մի պաշտոնատար փաստեր ու ապացույցներ ներկայացնելով հայտարարել է, որ որոշ հիվանդությունների դեմ պատվաստում կատարելու անվան տակ, ԱՄՆ-ն միկրոբային, կենսաբանական ու քիմիական զենքեր է փորձարկում Վրաստանի ժողովրդի վրա:
«Թասնիմ» լրատվական գործակալության հաղորդման համաձայն, Վրաստանի ազգային անվտանգության նախկին նախարար Իգոր Գիորգաձեն երեքշաբթի օրը Մոսկվայում կայացած մամուլի ասուլիսի ժամանակ հայտարարել է, որ «Ռիչարդ Լուգար»-ի անվան առողջապահական ու հետազոտական կենտրոնի ամերիկացի պաշտոնյաներն ու զորայինները վրացի քաղաքացիների մասնակցությամբ գաղտնի փորձարկումներ են իրականացրել և դա ապացուցում են իր ձեռքի տակ գտնվող փաստաթղթերը:
Հղում կատարելով մամուլի ասուլիսի ժամանակ բացահայտած իր տեղեկություններին, որոնք խոստացել է հրապարակել առաջիկա օրերին, նա նշել է, որ 2015 թվականի հոկտեմբերին ամերիկյան այս բուժկենտրոնում «Հեպատիտ C» հիվանդության բուժման կուրս անցկացնող շուրջ 30 հիվանդներից 24-ը մեկ օրվա ընթացքում մահացել է, իսկ նրանց մահվան պատճառը հայտնի չէ:
