د افغانستان په شمالي ولایت کاپیسا کې په دیني عالمانو برید شوی
د خبري سرچینو له راپو سره سم، تېره ورځ د کاپیسا ولایت په مرکز کې د یوې مدرسی په دیني عالمانو برید شوی چي د امله یې څلورو دیني عالمانو ته مرګژوبله اوښتې ده.
په کاپیسا کې د طالبانو د حکومت د اطلاعاتو او فرهنګ رئیس مولوي کریمالله وثیق رسنیو ته وویل چې په برید کې دوه تنه دیني عالمان وژل شوي او دوه نور ټپیان دي.
هغه د دې په ویلو سره چي د کاپیسا ولایت چارواکي هڅه کوي چې عاملینیې پیدا او قانون او محکمې تهیې وسپاري خپله خواشینی څرګنده کړه.
د کاپیسا چارواکو د وژل شویو او ټپي شویو دیني عالمانو د هویت په اړه څه نهدي ویلي، خو سیمهییز خلک وايي چې وژل شوي او ټپیان شوي دغلته د یوې ځايي دیني مدرسې استادان وو.
پر دیني عالمانو د دې برید مسؤلیت تر اوسه چا پر غاړه نهدی اخیستی خو تر دې مخکې هم په ځلونو دیني عالمان او جوماتونه د داعش د ترهګري ډلي له لوري په نښه شوي دي.
تېر کال هم په یوه ورته برید کې د کاپیسا د دیني عالمانو شورا مشر وژل شوی و.