د طالبانو ماموران په افغانستان کې تاجیک او هزاره خبریالان ګواښي
په افغانستان کې د رسنیو ددفترونو په بندیدا داندیښنو له زیاتیدا سره په یووخت ، خبریالان هم د طالبانو له خوا د ګواښونو، ،نیونو او شکنجه کونې په زیاتیدا اندیښنه څرګندوي .
ایسو شي ایټيډ پریس آژانس راپور ورکړی ، چې په افغانستان کې د رسندوئي کار فضا خطرناکه شوې ده او خبریالانو خبریالي له سټریسه ډکه چاره بللې ده .
یو شمیر خبریالانو دغه خبری آژانس ته وئيلی دي ، دوي پابنده دي د راپور د لیکلو په وخت ، هغه اصول او قوانین چې طالبانو وضع کړي دي ،په ذهن کې ولري .
د افغانستان یو تاجیک توکمه خبریال فیصل مدرس څه موده مخکې طالبانو ونیوۀ. دهغه په وینا ، اته ورځې د طالبانو په زندان کې ؤ او ګواښلی او شکنجه شوی هم دی .
مدرس چې د پنجشیر اوسیدونکی دی وائي په دې دلیل چې یو پنجشیری دی ، ویريږي . په دغه راپور کې راغلی دي ، دهزارګانو پشمول دنورو قومي لږکیو خبریالان هم پخپل ژوندډریږي . داهم وئيل شوي چې طالب مامورانو په لسګونو هزاره خبریالان هم نیولي دي .
داپه داسې حال کې دي چې په افغانستان کې د طالبانو دموقته حکومت مرستیال ویندوي بلال کریمي وائي ، نیوکې د زغملو وړ دي ، خو باید رغنده وي .دهغه په وینا یو شمیر سرزرورو طالبانو ځیني خبریالان نیولي وو ،خو دا قضیه حل شوې ده .
