له افغانستان سره دې دمرستې لپاره سیمه ایزه همپالنه رامینځةشي
د پاکستان خارجه وزیر ټينګار وکړ،په نړیوالو بانکونو کې د افغانستان کنګل شوي پیسې باید آزادې شي او ددغه هیواد سرچینې دې د افغان ولس دهوساینې په ګټه استعمال شي .
فارس خبری آژانس راپور ورکړ ، د پاکستان خارجه وزیر شاه محمود قریشي نن د چین په تونشي ښار کې د افغانستان د ګاونډیو هیوادونو په دریمې ناستې کې پخپلې وینا کې ووئیل په افغانستان کې د نوي پیښې شاهدان وو او په دې زمینې کې نوي تفکر ته اړتیا لرو .
شاه محمود قریشي زیاته کړه ، پاکستان په بشپړ ډول دافغانستان له مسئلو او ترینګلتیاؤ اغیزمن دی ، او دمونږ درست اقدامات ددې لپاره دي چې ددغه هیواد معیشتي مشکلات حل شي ، ځکه په میلیونونو افغان ماشومان د لوږې او درملنې لپاره له ډيرو کمښتونو سره لاس او ګریوان دي او دافغانتسان روغتونونه هم درمل نه لری چې باید ددغو مشکلاتو د ختمولو لپاره نړیوال اقدامات ترسره شي .
د پاکستان خارجه وزیر همداراز ټينګار وکړ ، په نړیوالو بانکونو کې د افغانستان کنګل شوي پیسې باید آزادې شي او ددغه هیواد سرچینې دې د افغان ولس دهوساینې په ګټه استعمال شي .
د پاکستان خارجه وزیر په دوام کې له جنګ سره پر جدی مخالفت او دسوله ایزو حل لارو څخه داختلافاتو پر ختمولو هم ټينګار وکړ او وې وئيل ، دافغانستان هیواد او موقته حکومت دمونږ ملاتړ ته اړتیا لري ، هم د واکوالۍ په زمینې کې او هم له ترهه ګرۍ سره په مبارزه کې ، چې دا ټول ملاتړونه د مونږ ټولو په ګټه دي .
