افغانستان ته نور څلویښت میلیونه ډالر ورکړل شول
صدای افغان خبري اژانس وايي له افغانستان سره د نړیوالې ټولنې د نغدو مرستو په دوام کښې پرون نور څلویښت میلیونه ډالر کابل ته ورسیدل.
د امریکا د عسکرو لخوا د افغانستان شل کلن نیواک او کورني جنګ د هیواد بیخ بنایانې تباه کړي دي.
طالبانو ډله چې د تیر میلادي کال د اګست په پینځلسمه نیټه واک ته رسیدلي ده د افغانستان د صنعت او د اقتصاد د مخ ته بیولو لپاره پیسو ته ضرورت لري.
خو امریکا په افغانستان باندې بایکاټ لګولو سره د دغه هیواد کابو لس میلیارډه ډالره کنګل کړي دي.
د افغانستان مرکزي بانک پرون وویل چې له دغه هیواد سره د مرسته کونکو هیوادونو د بشر دوستانه مرستو د یوې برخې په توګه څلویښت میلیونه نغد ډالر افغانستان ته ورسیدل.
د افغانستان مرکزي بانک د نړیوالې ټولنې د مرستو په قدرونې سره له هغې وغوښتل چې په نورو برخو کښې هم له افغانستان سره تعامل او ملګرتيا وکړي او له دې لارې د افغانستان له خلکو سره مرسته وکړي.
په دغو څلویښت میلیونه ډالرو سره له افغانستان سره د نړیوالو نغدو مرستو اندازه یولس سوه میلیونو ډالرو ته ورسیدله.
