ملا یعقوب له معتصم اغا جان سره لیدلي
له نوموړي سره د ملا یعقوب او انس حقاني د لیدنې جزییات نه دي رسنيز شوي.
د طالبانو د حاکمې ادارې دفاع وزیر ملا یعقوب مجاهد اماراتو ته د سفر پر مهال د طالبانو د تېرې واکمنۍ له یوه مهم چارواکي سره، چې له طالبانو څخه خواشينی و، لیدلي دي.
معتصم اغا جان، چې د طالبانو د تېرې واکمنۍ پر مهال د دوی د ماليې وزير و، د جمهوري نظام پر مهال یې د طالبانو او افغان دولت د مذاکراتو هڅې کولې.
له نوموړي سره د ملا یعقوب او انس حقاني د لیدنې جزییات نه دي رسنيز شوي.
مشهورخبریال سميع يوسفزی وايي، چې دا ليدنه د طالبانو په پالیسۍ کې لوی مثبت بدلون دی.
نوموړی زیاتوي طالبان د منزوی شوي مشرانو لپاره پخوا صفر درجه زغم لرلو چی دملا یعقوب دا نوښت دنرمښت نښه بلل کیږی
معتصم اغاجان په يوه مرکه کې د نجونو له زده کړو دفاع کړې او ویلي وو، چې لوڼو ېې په اسلامي هېوادونو کې تر لوړو کچو زده کړې کړي دي.
ملا یعقوب اماراتو ته د سفر پر مهال په یوه وینا کې وویل، چې افغانستان د ۴۴ ميليونه خلکو کور دی، خلک ېې بیلا بیل مزاجونه لري او ټول باید په سياسي، اقتصادي او نظامي برخو کې فعال وي.
