د افغانستان پخوانې ولسمشر کرزی ترکېې ته تللی دی
حامد کرزي څه موده مخکې د طالبانو له حاکمې ادارې څخه د دغه بهرني سفر اجازه ترلاسه او د طالبانو له بيا واکمنيدو وروسته په لومړي ځل له کابله په بهرني سفر ووت.
د افغانستان پخوانی ولسمشر حامد کرزی له متحده عربي اماراتو او جرمني وروسته ترکېې ته په سفر ورغلی او هلته ممکن د طالبانو د ادارې له ځینو مخالفو څېرو سره چې د افغانستان د نجات لپاره د مقاومت د عالي شورا په نوم فعالیت کوي وويني.
د دغه سفر او ممکنه لیدنو په اړه د حامد کرزي مطبوعاتي دفتر او نورو لوریو په رسمي ډول څه نه دي ويلي.
حامد کرزي څه موده مخکې د طالبانو له حاکمې ادارې څخه د دغه بهرني سفر اجازه ترلاسه او د طالبانو له بيا واکمنيدو وروسته په لومړي ځل له کابله په بهرني سفر ووت.
نوموړی په اعلامیو کې يې له طالبانو په پرله پسې ډول غواړي، چې د افغانستان د بحران د حل لپاره د ملي روغې جوړې پروګرام پيل کړي.
طالبانو په دې اړه د حامد کرزي، نورو افغان سیاستوالو او نړيوالې ټولنې غوښتنو ته مثبت ځواب نه دی ورکړی
