افغانستان کې اورښتونو له امله د ګڼ شمېر ولایتونو لارې تړل شوي
د ا.ا سرپرست حکومت د ټولګټو چارو وزارت چارواکي وایي، له تېرې ورځې راهیسې د زیاتو اورښتونو له امله د افغانستان د یو شمېر ولایتونو ترمنځ غځیدلې لویې لارې د ترافیکو پرمخ تړل شوي دي.
د ا.ا سرپرست حکومت د ټولګټو چارو وزارت چارواکي وایي، له تېرې ورځې راهیسې د زیاتو اورښتونو له امله د افغانستان د یو شمېر ولایتونو ترمنځ غځیدلې لویې لارې د ترافیکو پرمخ تړل شوي دي.
د دغه وزارت ویاند حمیدالله مصباح ویلي چې یادې مواصلاتي لارې په بامیان، سرپل، بلخ او فراه ولایتونو کې د واورې ورېدو له امله د ترافیکو د تګ راتګ پر مخ بندې شوي دي، خو په بامیان ولایت کې له یادو لارو پرته نورې ټولې لارې د ترافیکو پر مخ خلاصې دي.
ده ویلي چې د افغانستان په سالنګونو کې هم له تېرې ورځې د واورې ورښت جریان او په خبره یې دغه لویه لار د ټېلري موټرو پرته د نورو ټولو بار وړونکو او مسافر وړونکو موټرو پر مخ خلاصه ده.
دا په داسې حال کې ده چې د افغانستان د هوا پيژندنې ملي ادارې پرون او نن یکشنبه د افغانستان په ۱۹ ولایتونو کې د واورې او بارانونو اټکل کړی و.
