د افغانستان د ښوونې په برخې باندې د طالبانو دباؤ دوام لري
د طالبانو د حکومت په وروستۍ پریکړې کښې په افغانستان کښې د بهرنیو موسسو په روزنیزو فعالیتونو بندیز ولګیده.
د طالبانو د حکومت په وروستۍ پریکړې کښې په افغانستان کښې د بهرنیو موسسو په روزنیزو فعالیتونو بندیز ولګیده.
له بلې خوا ملګرو ملتونو د طالبانو لخوا د پوهنې په برخه کې د نړیوالو بنسټونو پر فعالیتونو د بندیز په اړه اندېښنه ښودلې.
د راپورونو له مخې بهرنيو مؤسسو ته په شفاهي توګه ویل شوي چې د یوې میاشتې دننه په تعلیمي برخه کې خپل فعالیت بند کړي.
د ملګرو ملتونو د سرمنشي ویاند سټیفن دوجاریک ویلي، دغه سازمان په افغانستان کې د پوهنې په برخه کې د نړیوالو بنسټونو پر فعالیتونو د بندیز په اړه "ژوره اندېښنه" لري.
نوموړی وايي، د طالبانو دا خورا ناوړه پریکړه د افغانستان خلک یو بل ګام شاته بيايي.
همدارنګه د ملګرو ملتونو د ماشومانو بسپنې صندوق (یونیسف) هم د طالبانو د دغې پرېکړې په اړه اندېښنه ښودلې ده.
یونیسف وايي، که د بهرنیو موسسو فعالیتونه ودرول شي، ۵۰۰ زره ماشومان به له زده کړو بې برخې شي.
دغه بنسټ د پوهنې وزارت له چارواکو غوښتنه کړې، چې په افغانستان کې دې په بې توپیره توګه ماشومان نه ځوروي.
په همدې حال کې د دغو راپورونو خپرېدل د زده کوونکو د کورنيو او کارپوهانو اندېښنې راپارولې دي.
د کابل پوهنتون پخوانۍ استاده مېرمن شهلا فرید په دې اړه وايي:که څه هم د طالبانو حکومت په رسمي ډول په دې اړه څه نه دي ویلي، خو يونيسف وايي چې طالبانو دغه اعلان دوی ته په شفاهي ډول کړی دی.
په افغانستان کې د سیمه ییزو ښوونځیو د تړلو په اړه راپورونه په داسې حال کې خپرېږي چې تر شپږم ټولګي پورته نجونې هم د تېر يوکال راهیسې ښوونځيو ته د تلو اجازه نه لري.
