لوګر کښې د نري رنځ ناروغان ډیر شوي دي
د لوګر ځايي چاروکو وویل چې په دې ولایت کښې په نري رنځ د اخته کسانو شمیر په تیر کال کښې زیات شوی دی.
د فارس خبري آژانس د خبر له مخې، په لوګر کښې د طالبانو د روغتیا ادارې چارواکو وویل چې په تیر یو کال کښې ۵۷۵ کسان په ټي بي ناروغۍ اخته شوي دي چې دا شمیر د تیر کال په پرتله ۲۰ فیصده زیاتوالی ښئي.
لوګر کښې د روغتیا ادارې ویاند فهیمالله لودین، په دې هکله وویل: د مرکز په شمول د ولایت په ټولو ولسوالیو کښې په ۲۰۲۱ کال کښې په نري رنځ د اخته کسانو شمیر ۴۹۴ تنه او په ۲۰۲۲ کال کښې ثبت شوی شمیر ۵۷۵ تنه و چې د شل فیصده زیاتوالي ښودنه کوي.
هغه زیاته کړه چې د نري رنځ مریضان د صحي مرکزونو له خوا تر جدي مراقبت لاندې دي او تراوسه په دې ولایت کښې د دغې ناروغۍ له امله د چا مړینه نه ده ثبت شوې.
لودین څرګنده کړه چې په لوګر کښې په ټي بي د اختیه کسانو د شمیر د زیاتیدو وجه، له مختلفو هیوادونو د کډوالو ستنیدل دي.
