له ترکیې څخه د افغان کډوالو ایستل کېدا

د ترکیې دولت د افغان کډوالو د ایستلو د بهیر په دوام کې ۲۲۹ افغان کډوال یې له دغه هیواده وایستل.

د تېرو څلورو لسیزو کې د جنګ او نیواک د امله، د اته میلیونو زیات افغانان کډوال شوي دي چي نیمایي ایران او پاکستان ته پناه وړې ده.

ترکي رسنیو اعلان وکړ چي د افغان کډوالو د ایستلو د بهیر په دوام کې ۲۲۹ افغانان چي د دې هیواد په مختلفو ښارونو کې میشت د پولیسو له خوا نیول شوي او خپل هیواد ته استول شوي دي.

د اناتولي له راپور سره سم، دغه کډوال ټوله په غیرقانوني توګه ترکیې کې میشت شوي وه.

د اردوغان حکومت  په تېر میلادي کال کې هم له ۵۷ زره زیات افغان کډوال یې له ترکیې څخه ایستلی وو. افغان کډوال له ترکیې څخه اروپا ته د تلو هڅه کوي.

په افغانستان کې د طالبانو د حکومت له واکمنېدو سره، د هغو افغان کډوالو شمېر زیات شوی چي ترکیې ته پناه وړې ده.