په هرات ولایت کښې نن بیا زلزله راغله
تسنیم خبري اژانس راپور راکړی د افغانستان په هرات ولایت کښې نن هم څلور اعشاریه یوریشټره زلزله راغله.
له تیرو څوارلسو وروځو راهسې د افغانستان په هرات ولایت کښې څو ځله زلزلې راغلي دي او څو جټکې هم احساس شوي دي.
د امریکا د زلزلې د معلومولو مرکز وویل نن سهار د هرات ولایت د قره باغ سیمې په دیرش کلومیټرۍ کښې د ځمکې په لس کلومیټره ژور والي کښې څلور اعشاریه یوریشټره زلزله راغلي ده.
دغه زلزله د هرات ولایت په زنده جان او کرخ ولسوالیو او په چهاربرجک سیمه کښې هم احساس شوي ده.
تراوسه د نن ورځې د زلزلې د مرګ ژوبلو او د تاوانونو په هکله کوم راپور نه دی رارسیدلی.
د اکتوبر د میاشتې په اومه نیټه د هرات ولایت په زنده جان ولسوالۍ کښې سختو زلزلو ډیر مالي تاوانونه اړولي او دغه راز څه د پاسه دوه زره کسان یې وژلي او کابو دوه زره څلور سوه څلویښت نور یې ژوبل کړي هم دي.
په تیرې سه شنبې ورځ د افغانستان د هرات زلزله ځپلیو ته د ایران د خلکو د مرستو دریم پیټی هم واستول شو.
