د هرات له زلزله ځپلو سره د چین مرستې دوام لري
په دې کتنه کې د چین سفیر یو ځل بیا د بهرنیو چارو وزارت سیاسي مرستیال ته په هرات کې د وروستۍ زلزلې له امله خپله خواخوږي څرګنده کړه.
په افغانستان کې د چین سفارت سفیر ژاو شینګ د طالبانو د بهرنیو چارو وزارت له سیاسي مرستیال شیرمحمد عباس ستانکزي سره په کتنه کې د هرات له زلزله ځپلو کورنیو سره د پنځوس زره ډالرو مرستې په ترڅ کې وویل: خپلو مرستو ته به دوام ورکړي.
د طالبانو د بهرنیو چارو وزارت د ویاند مرستیال حافظ ضیا احمد په خپل اکس پاڼه کې لیکلي چې شیر محمد عباس ستانکزی په افغانستان کې د چین سفارت له سفیر ژاو شینګ سره وکتل.
په دې کتنه کې د چین سفیر یو ځل بیا د بهرنیو چارو وزارت سیاسي مرستیال ته په هرات کې د وروستۍ زلزلې له امله خپله خواخوږي څرګنده کړه.
په دې کتنه کې د چین سفیر د هرات له زیانمنو شویو خلکو سره د خپل هېواد د تېرو مرستو په لړ کې د لا زیاتو همکاریو ژمنه وکړه.
هغه د هرات له زلزله ځپلو سره د چين د حکومت د خواخوږۍ او مرستې له امله مننه وکړه او له چين سره يې د افغانستان اړيکې رغنده او مثبتې وبللې.
