تاجیکستان د هرات د امنیتي غونډې کوربه دی

فارس خبري اژانس راپور راکړی د هرات د امنیتي خبرو اترو نوي غونډه چې د طالبانو د حکومت استازیو ته هم پکښې د ګډون بلنه ورکړل شوي ده د تاجیکستان په کوربه توب د نوامبر د میاشتې په اتویشتمه او نهویشتمه نیټه ترسره کیږي.

د افغانستان د سټراټيژیکې موسسې مشر «داود مرادیان» وویل د هرات د امنیتي خبرواترو یولسمه غونډه د افغانستان د ټولو سیاسي ډلو د استازیو په ګډون سره د تاجیکستان په پلازمینې دوشنبې ښار کښې ترسره کیږي.

هیله کیږي چې په دغه په دغه غونډې کښې له ګاونډیو هیوادونو سره د پیوستون ، د افغانستان له خلکو سره د بشر دوستانه مرستو کولو ، د جنسیتي برابرۍ او د ډیموکراسۍ د پراختیا لپاره د ملي خبرو اترو په شمول د افغانستان په بیلابیلو او مهمو مسائیلو باندې غور وشي.

دا دوهم کال دی چې دغه غونډه د تاجیکستان په پلازمینې دوشنبې ښار کښې ترسره کیږي.