د ښځو په کار بندیز د افغانستان اقتصاد کمزوری کړی
تسنیم خبري اژانس راپور راکړی د ملګروملتونو د بشر دوستانه چارو غږملونکي دفتر( اوچا) د افغانستان په غیر حکومتي موسسو کښې د ښځو په کار باندې بندیز د دغه هیواد اقتصاد ته ستر ګوزار وباله.
اوچا وویل د افغانستان ماتیدونکی اقتصاد چې په بشردوستانه مرستو باندې تکیه لري د ښځو په کار باندې د بندیز په دلیل د خرابیدا په حال کښې دی.
د ملګروملتونو د بشر دوستانه مرستو غږملونکي دفتر اوچا زیاته کړه د طالبانو محدودیت رامینځته کونکي سیاستونه د مرستې او د خدماتو له ترلاسه کولو د ښځو د محرومیدا سبب شوي دي او دغه حالت د مرسته رسونکو ارګانونو او د نړیوالې ټولنې په مشارکت باندې منفي اغیز شیندلی دی.
د ملګروملتونو امنیت شورا تیره میاشت د افغانستان د حالت په هکله له راپور وروسته وویل په حکومت کښې به د ښځو له ګډون کولو پرته له طالبانو سره هیڅ نړیوال تعامل ترسره نشي.
د افغانستان طالبانو هم نیوکو ته په غبرګون کښې ویلي دي د کابل حکومت ژمن دی په ټولو فعالیتونو کښې د افغانستان ملي ګټې او دیني ارزښتونه په نظر کښې ونیسي او طالبان به چا ته د خپل هیواد په کورنیو چارو کښې د لاسوهنې اجازه ورنکړي.
له دې مخکې ملګروملتونو د یوې نظر پوښتنې د نتیجو په خپرولو سره ویلي وو د افغانستان ډیرې ښځې باوري دي که چیرې طالبان دوې ته د زده کړې او د کار کولو اجازه ورکړي نو د طالبانو د حکومت په رسمیت له پيژندلو سره موافقې دي.