پاکستان د افغانستان د صادراتو په وړاندې مشکلات جوړوي تفصیل دلته لرو
زمونږ خبریال راپور راکړی د افغانستان د ننګرهار ګمرک چارواکي وایي پاکستان خپل هیواد ته د افغانستان د صادراتو پر وړاندې ستونزې جوړوي.
د چارواکو پر وینا چې اوس له پاکستان سره د سوداګرۍ پر ځای بدیلي لارې موندل شوي او پر دغه هیواد تکیه کمه شویده.
د ننګرهار ګمرک ریس مولوي منظور احمد عمر وایي د ګمرکاتو یوه اساسي دنده سوداګرو ته د اسانتیاو رامنځته کول دي خو پر وینا یې ګاونډي هیواد پاکستان چې افغانستان د نورو ګاونډيو هیوادونو په پرتله له دې هیواد سره ډیرې سوداګریزې راکړې ورکړې او ټرانزیټ درلود خو پاکستان تل هڅه کړې چې دغه هیواد ته د افغانستان د صادراتو پر وړاندې ستونزې راولاړې کړي.
د ننګرهار ګمرک ریس مولوي منظور احمد عمر وایي د همدې ستونزو له امله له پاکستان سره په صادراتو کې پنځوس سلنه کموالی راغلی دی.
د ننګرهار ګمرک ریس وایي وروسته له هغې چې پاکستان د افغان سوداګرو پر وړاندې د خنډونو په راولاړولو پېل وکړ دوې د سوداګرو لپاره د بدیلو لارو په لټه کې شول چې پر وینا یې اوس ډیرې افغان سوداګر د پاکستان د کراچۍ بندر پر ځای د بل ګاونډي هیواد د ایران اسلامي جمهوریت «بندر عباس» بندر کاروي او خپل سوداګریز مالونه له هغه لارې هیواد ته واردوي.
نوموړي وویل پر پاکستان د پخوا په پرتله تکیه راکمه شویده که څه هم چې د ننګرهار ګمرک چارواکي وايي د صادراتو په پرتله یې په وارداتو کې د عوایدو کچه لوړه ده خو د اسلامي امارت د مشرتابه د شفاهي سپارښتنې له امله دوې د عوایدو کچه له رسنیو سره نه شریکوي.
ننګرهار ګمرک چې د تورخم په څیر د سترې سوداګریزې لارې شتون له امله په هیواد کې د عایداتي سرچینو په سر کې ځای درلود خو اوسمهال یې دپخوا په پرتله په عوایدو کې کموالی راغلی دی .
