۷۹ سلنه افغانان د څښاک پاکو اوبو ته لاسرسی نهلري
Mar 24, 2024 05:37 Asia/Kabul
د ملګرو ملتونو پراختیايي پروګرام په خپل یوه تازه راپور کې په افغانستان کې په تېرو دوو کلونو کې د اوبو د کمښت مسله ارزولې او ویلي چې، د دغه هېواد ۷۹ سلنه خلک په کافي اندازه د څښاک پاکو اوبو ته لاسرسی نه لري.
په دغه راپور کې په افغانستان کې د اوبو د کمښت لاملونه هم په ډاګه شوي دي.
د ملګرو ملتونو پراختیايي پروګرام زیاته کړې، شدیدو وچکالیو، اقتصادي بې ثباتیو او اوږد مهاله جګړو، د دغه هېواد د اوبو بېخ بناوې مختل کړي، چې دغه وضعیت اقلیمي بدلون لاپسې خراب کړی دی.
په ورته وخت کې د افغانستان د اوبو او انرژۍ وزارت وايي، چې په روان هجري- لمریز کال کې به د هېواد په بېلابېلو ولایتونو کې د اوبو د مدیریت په برخو کې ۳۰۰ پروژې عملي شي.
