په افغانستان کې د شري ناروغي ډېره شوې ده

د روغتیا نړیوال سازمان، ډبيلو‌ايچ‌او ویلي چې، په افغانستان کې د سپټمبر په میاشت کې د شري ناروغۍ مثبتې پېښې د وړمې میاشتې پرتله ۳۴،۴ سلنه زیاتې شوې دي.

دغه سازمان پرون جمعه په افغانستان کې د روغتیايي وضعیت په اړه په یوه راپور کې ویلي چې، په سپټمبر میاشت کې د شري ۴۱۵۵ شکمنې پېښې ثبت شوې دي.

د ملګروملتونو ادارې دا هم ویلي چې، په سپټمبر کې د شري له امله ۱۸ مړینې ثبت شوي.

د روغتیا نړیوال سازمان ویلي چې، سږ کال په افغانستان کې د شري ناروغۍ ټولټال ۵۲ زره او ۵۳۹ مثبتې پېښې ثبت شوې دي.