د حزب ا... مبارزانو توغندیو حیفا ښار فلج کړی دی
سحاب - د نیواکي ټاټوبو حیفا ښاروا دنیواکي ټاټوبو په شمال باندې د لبنان دحز ا.. د درندو توغندوئي او ډرونز دحملو د دوام په باب دسختې اندیښنې په ښودلو سره وئیلي دي، حیفا ښار یو بې مخینې اقتصادي ګوزار خوړلی دی.
سحاب چینل د تسنیم له قوله راپور ورکړی، د نیواکی ټاټوبو د حیفا ښاروال یونایاهاو پرون په یولړ څرګندونو کې وئيلي دي، په حیفا کې ژوند په ټپه دریدلې او هرڅو د جمود ښکار شوي دي ؛ واټونه خالي دي و دکانونه هم بند شوي دي ،که حیفا له اقتصادي پلوه کمزوری شي، نو دا موضوع به په ټول اسرائيلو سختې اغیزې وشیندي.
د اسرائيلو آلما ،څیړنیز او مطالعاتي مرکز په یوه راپور کې وئيلي دي، د اسرائيلو مینځ باندې د حزب ا... دمبارزانو حملې زیاتې شوي دي اود حزب ا... ډرونز د دوي ګټونکی کارډ جوړ شوی دی.
ددغه څيړنیز مرکز په اعلامیې کې وئيل شوي دي ،د حزب ا... دعملیاتو چټکتیا او تیزوالی په تیرې میاشتې کې څلور برابره زیات شوی دی او دغه غورځنګ د نیواکي ټاټوبو زیاتره سیمې په شیشت کې راولي او له دې سره په یووخت ئې پر لیرې پراتو سیمو هم خپلې حملې پراخې کړي دي.
صهیونیسټي رسندویو هم د حزب ا...د توغندوي حملو په نتیجې کې د پراخو او دوامدارو اور لمبو په اوج کې د نیواکي ټاټوبو د شمالي برخو ترینګلي وضعیّت په باب داندیښنې په څرګندولو سره وئیلي دي، دشمالي سیمو اوسیدونکي صهیونیسټان چې له تیرو څو میاشتو راهسې کډه په سر شوي دي، خپلو کورونو ته ستنیدا سره هیڅ ګروهنه نه لری.
د اسرائیلو دپوځ د ریزرؤ ځواک ډګروال غاعی آموسی هم وئیلي دی ، په یوې جنګی سیمې باندې د نیواکي ټاټوبو بدلیدا او په صهیونیسټ میشته ښارګوټو کې دخطرې دټلیو په دوامدار ډول کړنګیدا د اسرائيلیانو په ژوند کې په یوه عادی بهیر په بدلیدا ده چې دوام ئې ډیر خطرنا ک دی.
