پرون د افغانستان له زرو څخه زیاتې کورنۍ هېواد ته ورستنې شوې
زمونږ خبریال راپور راکړی د طالبانو تر کنټرول لاندې رسنیو راپور ورکړ چې پرون ۱۴۹۰ افغان کورنۍ خپل هیواد ته ورستنې شوې.
د طالبانو تر کنټرول لاندې باختر خبري اژانس نن راپور ورکړ چې ۳۴ کورنۍ د نیمروز ورېښمو پله له لارې، ۴۳ کورنۍ د هرات د اسلام کلا له لارې، ۱۲۷۳ کورنۍ د کندهار د سپین بولدک له لارې او ۱۴۰ کورنۍ د هلمند د بهرامچې له لارې هېواد ته ورستنې شوې دي.
له ایران او پاکستانه د افغان کډوالو تلل دوام لري او په وروستیو ورځو کې زیات شوي دي.
د ایران د کورنیو چارو وزارت د بهرنیو وګوړ او کډوالو چارو د مرکز مشر نادر یاراحمدي په دې وروستیو کې اعلان کړی و چې د ایران د پلان له مخې به له شپږو ملیونو افغان کډوالو څخه یوازې ۵۰ فیصده افغانانو ته په دغه هېواد کې د اوسېدو اجازه ورکړل شي.
بلخوا، د پاکستان د دفاع وزیر هم ویلي وو چې په میلیونونو افغان کډوال باید خپل هېواد ته ستانه شي او پاکستان نور د مېلمه پالنې لوړه بیه نه شي زغملای.
