ترکي پانګوالو په افغانستان کې پانګونې ته لېوالتیا ښودلې

د افغانستان د صنعت او سوداګرۍ وزیر، نورالدین عزیزي، د ترکیې د خپلواکو صنعت‌کارانو او سوداګرو ټولنې (موسیاد) له رییس او غړو سره په افغانستان کې د سوداګرۍ او پانګونې د پراخو فرصتونو په اړه خبرې کړې دي.

خبرپاڼه کې یادونه شوې چې د یادې ټولنې چارواکو افغانستان کې د خپلې څانګې پرانیستو او همدارنګه پانګونې او سوداګرۍ ته لېوالتیا ښودلې ده.

د موسیاد چارواکو ټینګار کړی چې افغانستان د ترکیې خصوصي سکټور ته یو له مهمو اقتصادي موخو څخه ګڼل کېږي.