نړیواله ټولنه دې د افغانستان پر طالب حکومت دباؤنه زیات کړي
د پاکستان لومړي وزیر له پولې د ورآخوا دکنټرولولو په برخې کې د افغانستان د طالبانو د حکومت پر ناکامۍ سخته نیوکه وکړه او له نړیوالې ټولنې ئې وغوښتل چې د افغانستان له خاورې د وسلهوالو ډلو د فعالیت د مخنیوي لپاره دې پر کابل دباؤ زیات کړي.
د تسنیم خبري اژانس د راپور له مخې، د پاکستان لومړي وزیر «شهباز شریف» د «۲۰۲۵ کال د سولې او باور نومې نړیوال فورم» کې، چې د نړیوالې بې پلوه ورځې او د ترکمنستان د دايمي بېطرفۍ د دېرش کلنۍ په مناسبت په عشقآباد کې جوړ شوی و، وینا وکړه او له نړیوالې ټولنې ئې وغوښتل چې د افغانستان د طالبانو پر حکومت دې د خپلو نړیوالو ژمنو د پلي کولو لپاره دباؤنه زیات کړي.
هغه وویل، پاکستان تمه لري چې د طالبانو حکومت د افغانستان له خاورې د وسلهوالو ډلو د فعالیت مخه ونیسي.
شهباز شریف ټینګار وکړ چې سرحدپاله ناامني او ترهګري د سیمې د ثبات لپاره جدي ګواښ دی، او د دې ګواښ پيزواني کول د نړیوالې ټولنې غږمله ملګرتیا او د باؤنو زیاتولو ته اړتیا لري.
د پاکستان لومړي وزیر په عین حال کې د سیمې او د فارس خلیج د هېوادونو، لکه قطر، ترکیې، سعودي عربستان، متحده عربي اماراتو او ایران له هڅو مننه وکړه چې د پاکستان او افغانستان ترمینځ د اوربند د ټینګښت لپاره ئې منځګړیتوب کړی، خو خبرداری ئې ورکړ چې دا اوربند لا هم «ډېر نازک» دی
هغه زیاته کړه چې اسلامآباد به د هر رښتینې سیمهییز نوښت ملاتړ وکړي چې د تاوتریخوالي د کمولو او د سرحدي شخړو د مخنیوي سبب شي، او د دوامدار ثبات لپاره ئې د دغو هڅو د دوام غوښتنه وکړه.
پاکستان څو ځله د افغانستان طالبان د تحریک طالبان پاکستان (TTP) په څېر د ډلو د کنټرولولو په برخې کې په ناکامیدا تورن کړي دي، خو د افغانستان د طالبانو حکمت دا تورونه په زغرده ردوي او وائي چې پاکستتان دې خپلې ستونزې په داخل کې حل کړي او پر نورو دې نه تپي.
