طالبانو د تمدن ټلوېزیون خپرونې بندې کړې

د تمدن ټلوېزیون ادارې په یوه اعلامیه کې ویلي چې د تاسوعا او عاشورا حسیني ورځو له رارسېدو سره هم‌مهاله، امنیتي ځواکونو د دغه ټلوېزیون پر مرکزي دفتر عملیات ترسره کړي او ورسره یې د یادې رسنۍ خپرونې هم بندې کړې دي.

د معلوماتو له مخې، شاوخوا دوه کاله وړاندې هم طالبانو د تمدن ټلوېزیون پر دفتر عملیات کړي وو، خو هغه مهال یې خپرونې نه وې درولې.

تر اوسه طالب چارواکو د تمدن ټلوېزیون د خپرونو د بندېدو او د دې رسنۍ پر دفتر د ترسره شویو عملیاتو په اړه رسمي څرګندونې نه دي کړې.