د درس په کلاسونو کښې د افغان نجونو ځای لاهم خالي دی
ملګرو ملتونو اعلان کړی چې تش ټولګي په افغانستان کې د نجونو د زدهکړو د نن ورځې واقعیت دی.
د فارس خبري اژانس په لیکنه، د ملګرو ملتونو د ښځو برخې اعلان کړی چې په افغانستان کې میلیونونه نجونې لا هم له زدهکړو، کار او د خپل راتلونکي د ټاکلو له فرصت څخه بې برخې دي.
په افغانستان کې د طالبانو له بیا واکمنېدو راهیسې د ښځو او نجونو پر زدهکړو او کار لګېدلي محدودیتونه د نړیوالو بنسټونو او د بشري حقونو د سازمانونو له سترو اندېښنو څخه دي.
طالبانو په افغانستان باندې له بیا واکمنېدو وروسته له شپږم ټولګي پورته د نجونو زدهکړې درولې دي او د ښځو او نجونو پر زدهکړو، کار او ټولنیز حضور یې پراخ محدودیتونه لګولي دي.
د ملګرو ملتونو د ښځو برخې په خپله ایکس پاڼه لیکلي چې «تش ټولګي او خالي مېزونه» په افغانستان کې د نجونو د زدهکړو واقعیت دی.
د ملګرو ملتونو د ښځو برخې زیاته کړې چې په افغانستان کې نجونې لا هم زدهکړیزو فرصتونو ته له لاسرسي محرومې دي او دغه وضعیت د هغوی راتلونکی له جدي محدودیتونو سره مخ کړی دی.
