د افغانستان په کونړ کې جنګي جېټ الوتکو ګزمې کړي دي

سیمه‌ییزو سرچینو خبر ورکړی چې د پکتیا په ډنډ پټان او ځاځي اریوب ولسوالیو کې طالب او پاکستاني ځواکونو جګړه کړې او شېبه مخکې پای ته رسېدلې ده.

زمونږ خبریال د افغان رسندویو له قوله  راپور راکړی،  سیمه‌ییزې سرچینې وايي چې جنګي جېټ الوتکې د افغانستان د کونړ فضا ته ننوتې او د دغه ولایت په ځينو ولسوالیو کې ګزمې کوي.

سرچینو بیګا وویل چې طالبان پر جنګي جېټ الوتکو ډزې کړې دي.

د سرچینو په خبره، د کابل پر فضا هم نامعلومې بې پیلوټه الوتکې ګرځي خو ویلې یې نه دې چې چا پورې اړوند دي.

له بلې خوا سیمه‌ییزو سرچینو خبر ورکړی چې د پکتیا په ډنډ پټان او ځاځي اریوب ولسوالیو کې طالب او پاکستاني ځواکونو جګړه کړې او شېبه مخکې پای ته رسېدلې ده.

تر اوسه په دې نښته کې د اوښتو زیانونو په اړه معلومات نه شته.