د افغانستان په چاه آب ولسوالۍ د حزب اسلامی حملې
د افغانستان د حزب اسلامی د قوماندان بشری قانت تر قوماندانۍ لاندې ځواکونو د تخار ولایت د چاه آب ولسوالۍ په مرکز راکټی حمله وکړه.
د تسنیم خبری اژانس د رپوټ له مخې حزب اسلامی په دغه ولایت کښې د خپلو حملو په دوام د ګلبدین حکمتیار په سرپرستۍ کښې د دغه ګوند غړیو په چاه آب ولسوالۍ باندې راکټی حمله وکړه چې له کبله یې د دغې ولسوالۍ د بازار ځینې برخې په اور کښې وسوزېدې او پکې درې تنه مړۀ او اته نور ژوبل شول.
د تخار ولایت د پولیسو د قوماندان ویاند خلیل اسیر هم په چاه آب باندې د حکمتیار حمله تائید کړه.
د دغه رپوټ له مخې د حزب اسلامی غړیو د دغې ولسوالۍ مرکزی روغتون هم په هاون سره هدف وګرځوۀ چې په نتیجه کښې دوه ماشومان مړۀ او څلور تنه نور زخمی شول.
له دې مخکې هم له بشیر قانت سره اړوندو دګلبدین حکمت یار د حزب اسلامی ځواکونو د ولسوالۍ په جامع جومات حمله کړې وه چې په نتیجه کښې په لسګونو نمونځګزاری مړۀ او ژوبل شوی وو.
