د فراه ولایت د پشت رود ولسوالۍ امنیه قوماندان ووژل شو

د افغانستان د فراه ولایت د پشت رود ولسوالۍ امنیه قوماندان د وسله والو طالبانو په یوه حمله کې ووژل شو.

د فراه د امنیه قوماندانۍ د امنیت امر سمونمل ګلبهار مجاهد مرغومی نن وویل، چې دا پېښه پرون ماښام هغه وخت رامنځ ته شوه، چې قوماندان ابراهیم غوښتل د پشت رود ولسوالۍ له امنیتی پوستو څخه لیدنه وکړی.

هغه زیاته کړه، چې امنیه قوماندان په لاره د طالب ځواکون له کمین سره مخ شو او په برید کښې هغه ووژل شو او دوه ساتونکی یې ژوبل شوی دی.

د فراه د ولایت مقام څخه په یوه خپره شوې خبرپاڼه کښې ویل شوی، چې امنیه قوماندان وړومبې سخت زخمی شوے و، خو وروسته یې په روغتون کې ساه ورکړه.

طالب ډلې هم د پیښې ذمه واری په غاړه اخیستې دىه.