د ایران د سلواغې د ۲ نیټې ځینې مطبوعات
طالبانو د افغانستان د میدان وردک ولایت د ملی امنیت په مرکز په ځان وژونکی حمله کی ۱۲۶ کسان وژلی دی .
اطلاعات
د ایران د ملی امنیت د لوړې شورا سیکرټر علی شمخانی وایی له ایټمی موافقې دامریکا وتل د ایران د ټولو فرصتونو له لاسه تللو په معنا ندی .
طالبانو د افغانستان د میدان وردک ولایت د ملی امنیت په مرکز په ځان وژونکی حمله کی ۱۲۶ کسان وژلی دی . ورځپاڼه زیاتوی چی د میدان وردګ ولایتي شورا غړي شریف الله هوتک وویل: د افغانستان د امنیتي ځواکونو او طالبانو تر مینځ پرونۍ نښته څو ساعته روانه وه او په نهایت کې امنیتي ځواکونو تیري ګر ووژل .
د شریف الله هوتک په وینا د افغانستان د ملي امنیت د ځانګړو ځواکونو په لسګونو کسان د دغو ځواکونو د ودانۍ د شړیدو له امله ووژل شول.
رویټرز خبري اژانس د افغانستان د دولت په حواله راپور ورکړ چې په دغه حمله او پیښه کې د افغانستان کابو ۱۲۶ عسکر وژل شوې او د قربانیانو د شمیر د زیاتیدو احتمال شته دی.
د میدان وردګو ځایی مسوولانو له دې مخکې د دولسو امنیتی ځواکونو د وژل کیدو او د دیرشو د ژوبلې خبر ورکړی و. طالبانو ډلې د دغه حملې پړه په غاړه اخستې ده.
نیویارک ټایمز لیکی په فلسطین کې د اسراییلو بشری ضد او جنایتکارانه اقدامات باید وغندل شی .
د سوریې د پوځ دافع هوا د صیهونیسټ رژیم ۳۸ توغندی تباه کړی دی .
کیهان
د ایران د قضاییه قوې مشر ایت ا... صادق املی لاریجانی وایی امریکا او لویدیځ یوازې له هغو هیوادونو سره چی نوکران یې دی ، ښې اړیکی لری .
د صیهونیسټ رژیم د ۳۸ توغندیو په تباه کیدا سره اسراییل د سوریې په اسمان کې ماته وخوړه .
د امریکا سی این این چینل وایی شمالی کوریا ټرمپ سره لوبې کوی .
د ایران د بهرنیو چارو وزیر ښاغلی ظریف وویل : امریکا اوس هم د تورپوستو ښځو او سړو د حقوقو خلاف ورزي کوي. محمد جواد ظریف پرون په خپل ټویټ صفحه کې په امریکا کې د پریس ټي وي د اینکرې مرضیه هاشمي نیول کیدو ته په اشارې سره ولیکل: ضروري ده د امریکا دولت سپیناوی ورکړي چې څنګه د یوې نیا او خبریالې په توګه د مرضیه هاشمي له خوا له هیواده د تللو خطر موجود دی چې هغه باید د عدالت په وړاندې د ګواهۍ د ټولو مرحلو تر بشپړیدو پورې ونیول شي.
د ایران خارجه وزیر جوته کړه: د افریقاي نسله د امریکایي مدني حقوقو د غورځنګ د مشر مارتین لتر کینګ له تروره د پنځوسو کلونو له تیریدو وروسته لا هم امریکا د تورپوستو سړو او ښځو د مدني حقوقو خلاف ورزي کوي.
د امریکا فیډرل پولیسو د ایران د پریس ټي وي چینل امریکایی الاصله خبریاله او مستند جوړوونکې چې له خپلې کورنۍ سره د کتنې لپاره امریکا ته تللې وه د جنورۍ په دیارلسمه نیټه بې له کوم توره ونیوله.
جمهوری اسلامی
د ایران د مرکزی بانک مشر وویل جاپان له ایرانه د تیلو واردات پیل کړل .
د امریکا پخوانی خارجه وزیر جان کری وایی ټرمپ امریکا منزوی کړی ده .
د پولینډ مرستیال خارجه وزیر له ښاغلی عباس عراقچی سره په کتنه کې وویل د ورشو غونډه د ایران په شمول هیڅ هیواد پرضد نده .
د امريکاخارجه وزير مائک پومپئو په ټوئيټر پاڼه کښې د بدمعاشۍ په ادبياتو سره د ايران په اسلامي جمهوريت کښې د نيول شويو امريکائي جاسوسانو د آزادولو غوښتنه وکړه.
