په بدخشان کښې د جمعیت اسلامی قومندان وژل شوی
-
وسله والو کسانو نن سهار وختي د فراه ولایت په مرکز فراه ښار کښې د ملي امنیت د ادارې یو(۱) کارکونکی په ډزو وواژه .
زمونږ خبریال وایی په بدخشان ولایت کښې د افغانستان د حزب جمعیت اسلامی یو (۱) نامتو قومندان« نذیر محمد نیازی »بیګا له څو نورو ملګرو سره یوځاې په ماین چاودنې کښې ووژل شو .
دغه ماین چاودنه هغه وخت وشوه کله چې د جنرال نذیر محمد نیازی په شمول ګڼ شمیر خلک د فوټبال د لوبې د لیدو لپاره راغونډ شوی وو .
تراوسه کومې ډلې ددغه ماین چاودنې مسولیت پرغاړه نه دی اخیستی .
جمعیت اسلامی د افغانستان یو (۱) قدرتمن سیاسی تاجیک ګوند دی چې د ۲۰۱۱ میلادی کال د سپتمبر دمیاشتې په شلمه (۲۰) نیټه د ارواښاد ولسمشر برهان الدین ربانی له ټرور وروسته یې مشرۍ دهغه زوی صلاح الدین ربانی پرغاړه اخیستی ده .
بل خبر دا چې طالبانو نن سهار د هلمند ولایت په «نادعلی »ولسوالۍ کښې د پولیسو په قومندان غلام سخی ډزې وکړې اوهغه یې وواژه .
غلام سخی له تیر کال راهسې تراوسه د هلمند ولایت په نادعلی ولسوالۍ کښې د پولیسو قومندان وو .
طالبانو د نادعلی ولسوالۍ دپولیسو دقومندان غلام سخی د وژلو مسولیت پرغاړه اخیستی دی .
وسله والو کسانو نن سهار وختی د فراه ولایت په مرکز فراه ښار کښې د ملی امنیت د ادارې یو(۱) کارکونکی په ډزو وواژه .
په فراه ښار کښې په تیر میاشت کښې پینځویشت (۲۵)حکومتی کارکونکی او پوځیان په بریدونو او بم چاودنو کښې وژل شوی دی .
