سناتور مورفي: ټرمپ په خطرناکه توګه په توهم اخته شوی دی

پارس ټوډې- د امریکا د کنیتکت ایالت دیموکرات سناتور وویل: په داسې حال کې چې د هېواد کروندې افلاس شوې، د پټرولو بیه لوړه ده او ایران د هر وخت په پرتله پیاوړی دی، زموږ ولسمشر په خطرناکه توګه په توهم اخته شوی دی.

د پارس ټوډې د راپور له مخې، د امریکا د کنیتکت ایالت دیموکرات سناتور کریس مورفي د ایکس په خپل حساب کې په یوه پیغام کې پر ایران بې دلیله تېري ته په اشارې سره ولیکل: ۱۸ امریکایان وژل شوي، زموږ اډو ته میلیاردونه ډالر زیان اوښتی او د توغندیو زېرمې په ناورینیزه توګه راټیټې شوې دي.

دغه دیموکرات سناتور همدارنګه دې ته په اشارې سره چې د امریکا د کروندو افلاس خپل لوړ حد ته رسېدلی، یادونه وکړه: امریکايي کورنۍ د پټرولو د بیې ورکولو لپاره لاس او ګرېوان دي.

مورفي په دوام کې دا په ډاګه کړه چې دا ټول په داسې حال کې دي چې ایران د هر وخت په پرتله پیاوړی دی، ټینګار یې وکړ: زموږ ولسمشر په خطرناکه توګه په توهم اخته شوی دی.

د امریکا دیموکرات سناتور کریس مورفي تر دې وړاندې هم د ټرمپ پر بهرنۍ پالیسۍ او هغه جګړې نیوکه کړې چې د ایران پر ضد یې پیل کړې او ویلي یې وو: دا جګړه (د ایران پر ضد) له پیل څخه «نه ګټل کېدونکې» وه او هر څومره چې د هغې پر ناورینیز والي ټینګار وشي، مبالغه به نه وي.

مورفي تر دې وړاندې هم منلې وه چې د امریکا ولسمشر ډونالډ ټرمپ جګړه بایللې او د پوځي نښتې په دوام سره امریکا کمزورې او ایران پیاوړی کیږي.

د سنا د بهرنیو اړیکو کمېټې دغه غړي ټینګار کړی و: جګړه باید پای ته ورسېږي، ځکه چې هره ورځ چې جګړه دوام کوي، امریکا کمزورې، ایران پیاوړی او دلته په امریکا کې خلک د بیو له لوړوالي سره له ستونزو سره مخ کیږي.