اشرف غني او عبدالله د طالبانو بریدونه وغندل
ایرنا خبري اژانس وايي محمد اشرف غني او عبدالله عبدالله چې ځانونه د افغانستان ولسمشران ګڼي په کاپیسا او زابل ولایتونو کښې په پولیسو او پوځیانو د طالبانو پرونۍ حملې وغندلې .
اشرف غني وویل په داسې حال کښې چې په افغانستان کښې د کورونا وایروس خپریدل دوام لري او له بلې خوا خلک د دائمي سولې او د ثبات د تامینیدا په هدف نوي کال ته هیله من وو طالبانو ډلې یوشمیر پولیس او پوځیان ووژل .
اشرف غني د طالبانو دغه بریدونه څاروي ډوله او ترهګر وبلل او زیاته یې کړه دا ډول حملې نه یوازې په افغانستان کښې د سولې فرصت له خطر سره مخ کوي بلکې له دغه ډلې څخه د خلکو نفرت له مخکې څخه نور هم پسې زیاتوي .
عبدالله عبدالله هم په فیسبوک اینټرنیټ پاڼې کښې په کاپیسا ولایت کښې د افغانستان په پوځيانو او پولیسو د طالبانوډلې ترهګره حمله د نه بښلووړ جنایت وباله .
هغه وویل طالبانو ډلې له امریکا سره د سولې په موافقې کښې د خبرواترو له لارې د نښتو او دتاوتریخوالي د کمولو ژمنه کړي وه خو په دغه موافقې یې عمل ونکړ .
عبدالله عبدالله وویل دا ډول حملو د امریکا او د طالبانو ترمینځ بې اعتمادۍ پیاوړي کړي ده چې مخ ته پرتې بین الافغاني خبرې اترې تر اغیز لاندې ورولي .
