د کابل حکومت له خوا کابو زر طالب بندیان خوشي شوي
له بل پلوه د طالبانو د سیاسی دفتر ویندوي سهیل شاهین هم په یوه ټولنیز پیغام کې وئیلی دي ،په تیرو اته څلویښت ساعتونو کې ددغې ډلې له بندونو د کابل حکومت اته څلویښت بندیان خوشي شوي دي .
زمونږخبریال راپور راکړ دافغانستان د ملی امنیت شورا ویندوی جاوید فیصل نن په یوه پیغام کې وئیلی دي،د کابل حکومت د سولې په بهیر کې دپرمختګ او له کرونا ویروس سره دمبارزې په موخې سره په دولسو مرحلو کې کابو زر طالب بندیان له زندانونو خوشي کړي دي .
جاوید فیصل وئیلي دي ، دهغو حکومتي بندیانو په خوشي کیدا کې ځنډ چې دطالبانو په بند کې دي ، هیڅ توجیه نشته .
له بل پلوه د طالبانو د سیاسی دفتر ویندوي سهیل شاهین هم په یوه ټولنیز پیغام کې وئیلی دي ،په تیرو اته څلویښت ساعتونو کې ددغې ډلې له بندونو د کابل حکومت اته څلویښت بندیان خوشي شوي دي .
په دغو اته څلویښت بندیانو خوشي کیدا سره د طالبانو له بنده د حکومتی لوري د خوشي شوو بندیانو شمیر یو سل څلور اویاؤ ته رسیدلی دی .
ټاکل شوې ده دافغانستان حکومت دطالبانو پنځه زره بندیان او طالبان هم دحکومت زر بندیان خوشي کړي .
دافغانستان حکومت له خپلې خوا په ښه نیّت سره په دغه هیواد کې د جنګ جګړو دختمولو او اوربند دټينګیدا په خاطر له زندانونو دطالبانو دغه بندیان خوشي کړي دي .
