د کندهار ارغنداب ولسوالۍ له طالبانو پاکه شوه
وروستي راپورونه ښئ چې د افغان امنیتی مامورانو او طالبانو ترمینځ د کندهار په پنجوائي او ژیړئ ولسوالیو کې سختې نښتې هماغه راز دوام لري .
زمونږخبریال د طلوع نیوز چینل له قوله راپور راکړ ، د افغانستان دپوځ لوي درستیز یاسین ضیاء پرون ناوخته په یولړ څرګندونو کې وئيلی دي ،د طالبانو له منګولو د کندهار ولایت ارغنداب ولسوالۍ د آزادولو په عملیاتو کې کابو دوه سوه طالبان او دوه پولیس وژل شوي دي .
هغه زیاته کړې ،دم ګړۍ دغه ولسوالي د افغانستان د حکومتي ځواک په کنټرول کې ده او طالب ځواکونو له ارغنداب ولسوالۍ شاتګ کړی دی .
کابو دوه اونۍ مخکې ارغنداب ولسوالۍ چې د کندهار ولایت یوه ترټولو کراره ولسوالي شمیرل کیده ، په یولړ عملیاتو کې طالبانو نیولې وه . وروستي راپورونه ښئ چې د افغان امنیتی مامورانو او طالبانو ترمینځ د کندهار په پنجوائي او ژیړئ ولسوالیو کې سختې نښتې هماغه راز دوام لري .
پرون هم د ارزګان ولایت ګیزاب ولسوالي هم د طالبانو منګولو ته لویدلې ده.
داپه داسې حال کې د ي چې په افغانستان کې د امریکاترهه ګر ځواک یو قوماندان جان ډیډریک دافغانستان په بیلابیلو سیموکې د طالبانو پر مورچلو د حملوپه پلمه او دخپل پوځي شتون د دوام په توجیه کې وئيلي دي ، ددغه هیواد په مختلفو سیمو کې دامریکائي پوځیانو هوائي حملې به هماغه راز دوام ومومي او دبې پيلوټه الوتکو په وسیله به د طالبانو پټنځایونه او مورچلې ټارګټ کړي .حال دا چې په قطر کې امریکا له طالبانو ډلې سره د خپلو حملو د ختمولو ژمنه کړې ده .
