د افغانستان د اسلام قلعه ګمرک پرانستل شو
د افغانستان په شمال لویدیځ کښې د اسلام قلعه ګمرکي سرحد یوځل بیا پرانستل شو
د افغانستان په شمال لویدیځ کښې د اسلام قلعه ګمرکي سرحد یوځل بیا پرانستل شو
د افغانستان د هرات د والي ویاند پرون وویل چې له کابله هرات ته د یو پلاوي په ورتګ او له والي او د معترضانو له پلاوي سره په کتنې سره، د لاریو د خاوندانو د یوې اونۍ اعتراضونه ختم شول او د اسلام قلعه ګمرکي سرحد خپل فعالیت دوباره پیل کړ.
جیلاني فرهاد پرون د ایرنا خبریال ته په مرکه کښې وویل: معترضانو د ولسي جرګې د ورغلي پلاوي او له کابله د مالیې د وزارت له استازي سره له خبرواترو او د اسلام قلعه په ګمرک کښې د اورلګیدنې د وروستۍ پیښې له زیان لیدلو سره د مرستې له ژمنې وروسته د خپلې اعتراضي ناستې او پرلتیو خیمې ونړولې او له دغه سرحدي ګمرکه د شیانو د انتقال بهیر یې دوباره پیل کړ.
د ایران له اسلامي جمهوریت سره د اسلام قلعه سرحد او له ترکمنستان سره د تورغندي سرحد تیره اونۍ معترضانو بند کړی و او ورڅخه یې د سوداګري شیانو د وارداتو د بهیر مخه نیولې وه چې له امله یې په تیره بیا په هرات کښې د خوراکي شیانو بیه لوړه شوې وه.
