طوفان الاقصی عملیات د اسرائیلو د زوال زیری ورکونکي دي
ایرنا خبري اژانس راپور راکړی د فلسطین د باندې د اسلامي مقاومت غورځنګ حماس د سیاسي دفتر مشر «خالد مشعل» وویل: د طوفان الاقصی عملیات د صهیونیسټ رژيم په تاریخ کښې تور ټکی او په نږدې راتلونکي کښې د دغه رژیم د زوال زیری ورکونکی دی.
خالد مشعل وویل د طوفان الاقصی عملیات له صهیونیسټ رژيم سره په مبارزې کښې نوی پړاو رامینځته کړ او د دغه جعلي رژيم په تاریخ کښې به تور ټکی پاتې وي.
د حماس د سیاسي دفتر مشر ډاګینه کړه : صهیونیسټ رژیم ماتي خوړلي ده او ناکامه دی او د مقاومت غونډونو د صهیونیسټ رژیم له ټولو جنایتونو سره سره د بریالیتوب حماسه رامینځته کړه.
د فلسطین دغه چارواکي دې ته په اشارې سره چې د طوفان الاقصی عملیاتو اسلامي امت متحد کړ او د فلسطین د ټاټوبي ازادول یې چټک کړل او د اسرائیلو رژیم یې د صفر(square zero”)ټکي ته ورستون کړ زیاته کړه : د صهیونیسټ رژيم د رسنیو نظر سنجیانې د اسرائیلو د ماتي د خوړلو، او د فلسطین له ټاټوبي څخه د قدس د نیواکګرانو د تښتیدا او د غزې تړانګې په سرحد کښې له وسیدو د هغوې د ویریدا ښودنه کوي.
خالد مشعل په دې خبرې سره چې طوفان الاقصی عملیاتو د صهیونیسټ رژيم حقیقي څیره وښودله او د فلسطین مسله د توجهاتو مرکز ته ورستنه شوه وویل دغو عملیاتو د قدس د یهودي کولو پلان شنډ کړ.
