اسلامي ایران د فلسطین پرضد د اسرائیلو حملې په کلکه وغندلې
زمونږ خبریال راپور راکړی د ایران د اسلامي جمهوریت د بهرنیو چارو د وزارت ویاند «اسماعیل بقايي » د فلسطین د غزې تړانګې د بې دفاع خلکو پرضد د صهیونیسټ رژیم د حملو نوی پړاو وغاند.
هغه دغه حملې په نیواکي فلسطین کښې د قومي پاکونې او د نسل کشۍ د جنایت دوام وباله او د صهیونیسټ رژیم د جنایتونو په ترسره کولو کښې د امریکا د حکومت نیغ په نیغه مسوولیت لرلو یې ټینګار وکړ.
اسماعیل بقايي د هیګ په نړیوالې جنايي محکمې کښې د نسل وژونکي اسرائیلي رژيم د مشرانو په جنایتونو باندې په غور کولو کښې د چټکتیا او د فلسطین د مظلومو خلکو د ملاتړ لپاره د اسلامي ملګرتیا موسسې لخوا د جدي اقدام د ترسره کولو او د هیګ د انصاف د نړیوالې محکمې د حکمونو د اجرا کولو او صهیونیسټ رژيم ته د وسلو د استولو د غوڅولو او له دغه رژیم څخه د هر ډول مالي او د اقتصادي ملاتړ د بندولو غوښتنه وکړه.
د غزې تړانګې پرضد د امریکا په اجازې سره د صهیونیسټ رژيم د حملو د نوي پړاو له پیلیدا وروسته د غزې هیڅ سیمه د اسرائیلو له حملو په امان کښې نه ده پاتې او دغه رژیم په کورونو، ښوونځیو ، د کډوالو په مرکزونو ، او د بې کوره شویو خلکو په خیمو باندې سختې حملې کړي دي.
