لوی اختر په الهي دربار کښې د عبادت ترټولو خالصانه بیلګه ده
ایرنا خبري اژانس راپور راکړی د ایران ولسمشر مسعود پزشکیان د لوی اختر او د یوه معبود په وړاندې د بندګۍ د اختر په مناسبت د اسلامي هیوادونو خلکو او مشرانو ته مبارکۍ وویله.
هغه په یوه پیغام کښې د اسلامي هیوادونو خلکو او مشرانو ته د لوی اختر په مناسبت د مبارکۍ په ویلو سره وویل لوی اختر د عبادت تر ټولو خالصانه بیلګه او د خدای په وړاندې د تسلیمیدا او د سرشیندنې نښه او په الهي امتحان کښې د حضرت ابراهیم علیه السلام د سرلوړۍ ورځ ده.
د ایران ولسمشر پزشکیان د لوی اختر د مبارکۍ په دغه پیغام کښې یادونه وکړه هیله من یم د دغه نیکمرغه اختر په برکت له مخکې څخه زیات د اسلامي امت د سرلوړۍ او د مسلمانانو د زیاتیدونکي وحدت او پیوستون کتونکي ووسو او د اسلام د مبین دین او د ګران پیغمبر حضرت محمد صلی الله علیه واله وسلم د ګرانبیه تعلیماتو په سیوري کښې په بیلابیلو ډګرونو کښې د پراختیا او د پرمختګ لاره کچ کړو.
له دې مخکې د ایران ولسمشر مسعود پزشکیان د سعودي عربستان ، د مصر ، د ازبکستان ، د تاجیکستان ، د قزاقستان، د مالیزیا ، د عراق ، د ترکیې ، د اذربایجان جمهوریت ، د کویت، د قطر ، د عمان او د ترکمنستان په شمول د اسلامي هیوادونو له مشرانو سره په جلا جلا ټيلي فوني تماسونو کښې د لوی اختر مبارکي وویله او د ایران د ولسمشر همڅنګو هم د ایران له اسلامي جمهوریت سره د اړیکو د پراختیا او د ژورتیا پرضرورت ټینګار وکړ.
