د اتریش په یوه ښوونځي کښې لس کسان په ډزو ووژل شول
زمونږخبریال د نړیوالو رسنیو په قول راپور ورکړی چې په اتریش کې په یوه ښوونځي کې د ډزو له امله لږترلږه پنځه کسان وژل شوي دي.
رویټرز خبري اژانس هم نن راپور ورکړ چې دغه ډزې د اتریش د ګراز ښار په یوه ښوونځي کې شوې دي.
د ګرز پولیسو دا پیښه تایید کړې او ویلي یې دي، چې د ښوونکو او زده کونکو په ګډون څو نور کسان ټپیان شوي دي.
د اتریش پولیسو د بریدګرو د نیولو لپاره عملیات پیل کړي دي.
د دې پېښې په تړاو نور جزئیات نه دي خپاره شوي.
د اسټریا هیواد ښارواله وايي، د وژل شویو کسانو شمېر ۱۰ ته رسېدلی
د ګراز ښارواله وايي، د ډزو هغه پېښه کې چې نن ګهیځ په یوه ځايي ښوونځي کې رامنځته شوه، د وژل شویو کسانو شمېر اوس ۱۰ تنو ته رسېدلی دی.
په وژل شویو کې د ښوونځي یو شمېر زدکوونکي هم شامل دي او رپوټونو کې ویل شوي، یو شمېر کسان ټپیان شوي دي.
ځايي پولیس وايي، د دوی په باور سهار نژدې لس بجې له دې برید وروسته احتمالا بریدګر ځان پخپله وژلی دی.
تر اوسه معلومه نه ده، چې بریدګر اوس هم د ښوونځي زدکوونکی و او که مخکینی زدکوونکی و.
