د اټومي انرژۍ د نړیوال اژانس د مصوبې تصویبیدل ستره غلطۍ ده
ایرنا خبري اژانس راپور راکړی په ویانا کښې دیره په نړیوالو ادارو کښې د ایران دائمي نمایندګۍ د اټومي انرژۍ د نړیوال اژانس د واکمنې شورا په راتلونکي غونډې کښې د لویدیځو هیوادونو د سیاسي کارۍ د دوام په هکله خبرداری ورکړ او ډاګینه یې کړه د ایران پرضد د پریکړه لیک تصویبیدل د اسنیب پیک د سازوکار له فعالولو وروسته یوه بله ستره غلطۍ ګڼل کیږي.
د ایران نمایندګۍ په «ایکس» پاڼه کښې د یوې بیانیې په خپرولو سره وویل امریکا او درې اروپايي هیوادونه اراده لري د اټومي انرژۍ د نړیوال اژانس د واکمنې شورا په راتلونکي اونۍ غونډه کښې د ایران پرضد یو پریکړه لیک وړاندې کړي.
دغه اقدام چې د اسنیپ بیک د سازوکار له فعالولو وروسته یوه بله ستره تیروتنه ده د واکمنې شورا د سیاسي کولو لپاره یوه قصدي او نوي هڅه هم ګڼل کیږي.
د اټومي انرژۍ د نړیوال اژانس د واکمنې شورا غونډه به په راتلونکي چهارشنبې ورځ په ویانا کښې وشي.
المیادین ټیلي ويژن راپور ورکړ درې اروپايي هیوادونه اراده لري د اټومي انرژۍ د نړیوال اژانس د واکمنې شورا په راتلونکي غونډه کښې د داسې پریکړه لیک مسوده وړاندې کړي چې دایران په اټومي فعالیتونو باندې د اندیښنو په چورلیزتوب سره برابره شوې او د ایران د یورانیمو د زیرمو د حالت په هکله د پرله پسې راپورونو د ورکولو او د نویو محدودیتونو د لګولو غوښتنه پکښې شوې ده.
دغه مسوده د اټومي انرژۍ د نړیوال اژانس د مشر رافائل ګروسي د راپور پراساس برابره شوې ده کوم چې د ایران د اعلان شویو اټومي موادو د زیرمو په هکله دقیقو اطلاعاتو ته د اټومي اژانس د سمدستي لاسرسي پرضرورت باندې تینګار لري.
