آیا امریکا په کارایب کې جنګي جنایت کړی دی.؟

پارس‌ټوډی - یوه ویډیو  خپره شوې  چې ښئي د امریکا پوځ په کارائيب سمندر کې  حمله کړې ده ، کومه چې څرګندوي چې د لومړۍ حملې نه پاتې شوي کسان د خپلو لاسونو په او چتولو  سره د مرستې غوښتنه کوي، خو بیا هم له  دوهمې حملې سره مخ کیږي او وژل کیږي. دغه عمل کیدای شي د  جنګی جنایت  په توګه وپیژندل شي.

د پارس‌ټوډی راپور په حواله، د CBS ټیلویژني چینل نن  د دوو  باوري سرچینو په حواله راپور ورکړی،یوه ویډیو چې تازه د امریکا د کانګریس غړو ته ښودل شوې، ښئي چې د ۲۰۲۵ کال د  سپتمبر په پیل کې د امریکا د پوځ لخوا په یوې کشتئ  حمله شوې چې  د نشه ایزو موادو په قاچاق کې ښکیله  ګڼل شوې وه. د لومړۍ حملې له پای وروسته، دوه کسان چې له دغې حملې څخه ژوندي پاتې شوي وو، پر دوي له  دوهمې حملې  مخکې ئې د خپلو لاسونو په  او چتولو سره د  مرستې غوښتې کولې ، خو بیا هم  ووژل شول. یوه سرچینه وایي، دغه عمل داسېب دلون  کېدای شي چې دغو کسانو یا د مرستې غوښتنه کوله، یا ئې هڅه کوله چې د یوې بلې حملې مخه ونیسي.

د CBS د راپور په اساس، د سپتمبر په ۱۱ مه  لومړنی حمله د امریکا د ټرمپ حکومت لخوا د کارایب سمندر په سیمې کې  دنشه ایزو موادو پر قاچاق  په شکمنو کشتیو  باندې ترسره شوه. واشنګټن باور لري چې دغه عملیات د نشه ایزو موادو د قاچاق په ضد ضروري دي، خو نیوکه کونکي ئې  وایي چې دغه اقدامات له  حقوقي پلوه  غیرقانوني دي.

د امریکا پوځ په دې اړه ویلي چې تر دې دمه ئې په دغو عملیاتو کې تر ۸۰ زیات کسان وژل شوي، چې له دې جملې ۱۱ کسان د سپتمبر دوهمې حملې پورې اړه لري. دغه عملیات بیا د یو راپور له خپریدو وروسته  ارزول شوي دي ، کوم چې وایي امریکا په یوې بلې حملې کې دوه کسان ووژلي چې له لومړۍ حملې څخه ژوندي پاتې شوي وو.

ځینې ډیموکراټان او حقوق  کارپوهان استدلال کوي چې د کښتۍ له غرقېدو پاتې کسانو وژل، کېدای شي د  جنګی جنایت  په توګه وپېژندل شي. په دې حال کې، د سپینې ماڼۍ ویاندې کارولین لیویت تایید کړې چې دوهمه حمله ترسره شوې، خو هغه په دې باور ده چې دغه حمله قانوني وه او د کشتئ د بشپړ له مینځّه وړلو  لپاره ترسره شوې.