د وسلو پورته کونکي او د خلکو شهیدونکي د هیواد دښمانان دي

زمونږ خبریال راپور راکړی د پاکستان د تحریک انصاف ګوند مشر «بیرسټر ګوهر» په ملي پارلمان یعني قومي اسمبلۍ کښې په وینا کښې وویل هغه کسان چې په لاسونو کښې وسلې اخلي او خلک شهیدوي د هیواد دښمانان دي.

هغه وویل په پاکستان کښې په ترهګرۍ کښې د هندوستان لاس دی او ټروریزم په هیواد کښې هیڅ ځاې نلري.

بیرسټر ګوهر وویل هیڅ ترهګر ته به د ځان د پټولو ځاې ملاو نشي او د شهیدانو وینه به هیڅکله ضایع نشي.

دغه راز د پیپلز ګوند یوه مشر «راجا پرویز اشرف »وویل د عادي خلکو وژل ستر ظلم دی.

هغه وویل ترهګرۍ د پاکستان خلکو ته زیات تکلیف ورکړی او ټروریزم یو ظلم دی چې خوشحالۍ او ترقۍ تباه کوي.