د پاکستان د سمندري ځواک له قوماندان سره د جنرل باقري کتنه
د ايران د اسلامي جمهوريت د وسله والو ځواکونو لوے درستيز د پاکستان د سمندري ځواک له قوماندان سره کتنه او د دوو اړخيزو ملګرتيا د پرختيا په اړه خبرې اترې وکړې.
د اېرنا د رپوټ له مخې جنرل محمد باقري او ورسره د ايران د پلاوي لوړرتبه فوځي غړيو د پاکستان د سمندري ځواک له قوماند اېډمېرل محمد امجد خان نيازي سره کتنه او د نظر تبادله وکړه.
جنرل باقري او اېډمېرل امجد خان نيازي د ايران او پاکستان د سمندري ځواکونو ترمېنځ د ملګرتياو د سطحې په شمول د دواړوهېوادونو د ورورولۍ د تعلقاتو د وروستي حالت او دواړو خواو د دلچسپۍ وړ موضوعاتو په باره کښې خبرې اترې وکړې.
دواړو لوړو په سيمه کښې د سمندري امنيت او د نورو امنيتي بدلونونو د زياتو موضوعګانو څېړنه وکړه.
جرنل باقري تېره ورځ د پاکستان له وزيراعظم عمران، د فوځ له مشر قوماندان جنرل باجوه او د دغه هېواد له لوے درستيز جنرل نديم رضا سره هم کوټلې صلاح مشورې لرلې.
جنرل محمد باقري د يو لوړ رتبه فوځي پلاوي په مشرۍ له پاکستان سره د د ګډو ملګرتياو د پراختيا لپاره د تېرې نهې د ورځې په ماښام د دغه هېواد پائتخت اسلام آباد ته لاړ دے.
