د لړم د دیارلسمي د مراسمو وروستي پرېکړه لیک
د لړم د یارلسمي یا د یوم الله د ورځي پرېکړه لیک چي له زور ویونکو او استکبار سره د مبارزې ملې ورځ بلل کیږي، صادر شو.
د یوم الله د ورځي د ولسمي مراسمو په پریکړه لیک کې راغلی دی: له استکبار سره د مبارزي ملي ورځ، د امریکې له ځوړتیا، د سپیني ماڼۍ د سیمه ایزو سیاستونو له ماتي، افغانستان څخه د امریکایانو له وتلو او د غربي لیبرل ډیموکراسۍ له پاشلتیا سره څرګنده شوې ده.
پریکړه لیک زیاتوي چي د امریکې د سیاستونو او استراتیجیو ننګونه او ماته د مقاومت په چوکاټ کې د سیمي د ولسونو د مبارزې او د ایران د ولس د یووالي او استکبار سره د مقابلې نتیجه ده.
وړاندې راغلې چي موږ د نړیوال صهیونیزم، استکبار او ګوډاګیو په وړاندې د اسلامی امت د ځواکمن فوځ په توګه د فلسطین د اسلامي مقاومت له ارمانونو، د لبنان د حزب الله، د یمن د انصارالله، د بحرین د مجاهدینو، د عراق او د سوریې له ولسي ځواکونو له حماسه پنځونې څخه ملاتړ کوو.
د دې پریکړه لیک ګډونوالو ټینګار وکړ چی اسرائیلو سره د سیمي د ځینو هیوادونو د اړیکو د رغوني د خیانت، دغه جعلی رژیم د مشروعیت بخښنې او د اسلامي هیوادونو تر مینځ د نفاق د جوړونې په هکله د دغو هیوادونو سرغنو ته خبرداری ورکوو چي د خپلو ولسونو او د اسلامي امت غوښتنې ته په توجه سره د صهیونیست له غاصب رژیم سره د اړیکو د رغولو په هکله په خپلو فیصلو کې بیاکتنه وکړي او د قدس شریف له نیواکګر رژیم سره دي اړیکي غوڅ کړي.
