د ایران او نړیوالو ورځپاڼوته کتنه
د تهران راډیو د اینټرنیټ پاڼې قدرمنو لوستونکو ښې چارې اوس به ورځپاڼو ته کتنه وکړو هیله ده چې د لوستلو فرصت یې ولرئ
نن به لومړۍ د تهران چاپ کیهان ورځپاڼه وګورو .
د ایران د پارلمان په پرون ورځې ښکاره غونډې کښې ولسمشر ابراهیم رئیسي ته د دوه سوه پنځوسو استازیو بیانیه ولوستل شوه چې پکښې ټينګار شوی دی د ضروري تضمینونو له ترلاسه کولو پرته له څلور جمع یوې ډلې غړي هیوادونو سره هیڅ موافقه ونه مني .
د اوکراین په ختیځ کښې د بیلتون غواړو او د حکومتي عسکرو ترمینځ د جنګونو په زیاتیدا سره د روسیې رسنیو وویل د اوکراین حکومتي عسکرو په تیرې شنبې ورځ په ختیځ کښې په دونباس سیمې څه د پاسه اته سوه ځله حملې کړي دي .
له دې سره په یووخت د انګلستان لومړي وزیر بوریس جانسن په اروپا کښې د یوه ستر جنګ چې له تیرو اتیاو کلونو راپدیخوا یې ساری نشته د رامینځته کیدا په هکله خبرداری ورکړی دی .
د افغانستان د حکومتي او د خصوصي پوهنتونونو استادانو په کابل کښې په یوې اعتراضیه غونډې کښې د امریکا د ولسمشر جوبایډن لخوا په دغه هیواد کښې د افغانستان د ډالرو کنګل کول او غلاکول وغندل .
د پاکستان د مجلس وحدت مسلمین ، پیپلز ګوند، جماعت اسلامي ، جمیعت علمای اسلام ، د مسلم لیګ د نواز څانګې په شمول د دغه هیواد سیاسي او مذهبي ګوندونو د صهیونیسټ رژيم په شتون سره په څو ملیتي مانورې کښې د پاکستان د سمندري ځواک د ګډون په هکله خپل سخت اعتراض اعلان کړ .
د اوکراین د کړکیچ په هکله د روسیې او د لویدیځ ترمینځ د تاوتریخوالي له ختمیدا سره په یووخت د اروپايي اتحادیې د کمیسیون مشر په یوې مرکې کښې ادعا وکړه راتلونکي ژمی به اروپا نور د روسیې په ګازو باندې اړونده نه وي .
د یمن وسله والو ځواکونو د خپلو توپونو ، د بې پایلوټه الوتکو او د توغندوي یونټونو په ګډون سره د هیواد په شمال لویدیځ کښې په حرض ښار باندې د سعودي عربستان د ائتلاف او د هغوې ګوډاګیانو ته په اړونده ځواکونو حملې وکړې او سختې مرګ ژوبلې یې ورته واړولې .
د انګلستان پینځه نوي کلنه ملکه «دوهمه الیزابت »په کورونا ویروس اخته شوي ده .
په نیواکي ټاټوبو کښې د لبنان د حزب الله غورځنګ د بې پایلوټه الوتکو د عملیاتو د څو ورځو له تیریدا سره سره دغو عملیاتو ته غبرګونونه اوس هم دوام لري .
د اسرائیلو رسنیو وویل د حزب الله دغه عملیات د صهیونیسټ رژیم لپاره یوه اقتصادي او امنیتي ماتي وه .
العربي جدید ورځپاڼې چې مرکز یې په لندن کښې دی وویل د ترکیې د ولسمشر رجب طیب اردوغان شپږو مخالفو سیاسي ګوندونو په هیواد کښې د ریاستي نظام د ختمولو په هکله غور کړی دی .
د سعودي عربستان د جدې ښار ښاروالۍ په دغه سیمه کښې د خلکو د کورونو ړنګولو ته دوام ورکوي .
د سعودي عربستان خلک د خپلو کورونو او کوڅو په ړنګولو اعتراض لري اوهغه د تاریخ یوه برخه ګڼي .
()
ګرانو لوستونکو اوس به د تهران چاپ اطلاعات ورځپاڼه وګورو .
()
د رای الیوم ورځپاڼې مسوول چلونکي عبدالباري عطوان وویل د اسرائیلو د توغندوي ضد سیسټم وسپنیزه ګونبسې د «مرکاوا »له افسانې سره یوځاې شوه .
د لبنان د حزب الله غورځنګ د بې پایلوټه الوتکو دوه ورځې مخکې عملیات چې د صهیونیسټ رژیم په داخل کښې یې کړي وو یوې بې پایلوټه الوتکې کابو څلویښت دقیقې د اسرائیلو په فضا کښې په اویا کلومیټره ځمکې کښې الوت وکړ او روغه رمټه د لبنان خاورې ته ورستنه شوه او د سیمې د مقاومت ډلو،کارپیژاندو او رسنیو یې پراخ هرکلی کړی دی .
د امریکا د مشرانو جرګې سینا یوه مشهور سناتور لینډسي ګراهم د جرمني د مونیخ د امنیتي غونډې په څنګ کښې چې د افغانستان په حالاتو باندې د غور لپاره بیله وه وویل هیوادونه او حکومتونه باید سیاسي روا والي ته د طالبانو د لاسرسي لپاره هڅه ونکړي ځکه چې دغه ډله هیڅکله نه ده بدله شويه او په راتلونکي کښې هم نه بدلیږي .
د سعودي عربستان د بهرنیو چارو وزیر بن فرحان له ایران سره د خبرو اترو په هکله وویل د تیرو پړاونو په خبرو کښې د پام وړ پرمختګ له نشتون سره سره مونږ له ایران سره د خبرو اترو د پینځم پړاو په تمه یوو .
د ملګروملتونو د سرمنشي ویاند اسټیفان ډوجاریک وویل دغه موسسه د فلسطین د خلکو د کورونو له ړنګولو او له قدس څخه د هغوې په زوړه کډوالولو سره مخالفه ده ځکه چې دغه کار د نړیوالو قوانینو خلاف ورزۍ ده .
د صهیونیسټ رژيم دولسم ټیلي ويژن د دغه رژيم د ځینو چارواکو په قول په یوه راپور کښې وویل «تل اویو» په متحده عربي اماراتو او سعودي عربستان باند د یمن د عسکرو په بریالیتوب سره د بې پایلوټه الوتکو له حملو او ګواښونو وروسته دغه نتیجې ته رسیدلی دی چې د یمن انصار الله غورځنګ په اسرائیلو باندې د برید کولو توان ترلاسه کړی دی .
د روسیې حکومتي ټیلي ویژن په اوکراین کښې له دونتسک او لوهانسک جمهوریتونو څخه په یوه راپور کښې چې د روسیې پلوي دي وویل د اوکراین پوځیانو په تیرو څلرویشتو ساعتونو په دغو دوو جمهوریتونو باندې څه د پاسه اته سوه ځله حملې کړي دي .
د «ایت الله واعظ زاده بهسودي» په مشرۍ د هزاد قوم د شیعه مسلمانانو عمومي شورا خپل موجودیت اعلان کړ .
دغه شورا د هزاره قوم د متحد کولواو د افغانستان د بیلابیلو قومونو ترمینځ د وحدت د رامینځته کولو لپاره خپل موجودیت اعلان کړی دی .
د سعودي عربستان تیریګر ائتلاف په تیرو څلرویشتو ساعتونو کښې د یمن د دریو ولایتونو پرضد څاروي ډوله حملې وکړې چې د ګڼ شمیر ملکي وګړو د وژل کیدا او ژوبلیدا سبب شوې .
د عراق په پارلمان کښې د الفتح ائتلاف استازي محمد البلداوي ټینګار وکړ چې د دغه هیواد راتلونکي لومړي وزیر ته د رایې ورکولو لپاره د شیعیانو د غږملتیا پلاوي یوازنی شرط له خپل هیواده د امریکا د نیواکګرو پوځیانو وتلو ته د هغه ژمن کیدل دي .
د امریکا څو رسنیو په نویو سپوږمکیزو تصویرونو باندې استناد کولو سره راپور ورکړ داسې ښکاري چې د شمالي کوریا د پلوټونیم د تولیدولو اټومي مرکز په دغو تاسسیاتو کښې د واورې د ویلي کیدا ته په پام سره د کار او د فعالیت کولو په حال کښې دی .
()
ګرانو دوستانو اوس به د ځینو خارجي نړیوالو ورځپاڼو سرټکي له تاسو سره شریک کړو .
()
له بریتانیا خپرېدونکې ګارډین ورځپاڼې افغانستان ته د لوېدیځو هېوادونو په نه پاملرنې یوه لیکنه خپره کړې ده.
د بریتانیا تکړه خبریال جان سیمپسون چې کلونه کېږي له افغانستانه راپورونه ورکوي په دې مقاله کې لیکي، له افغانستانه د لوېدیځو هېوادونو له وتلو وروسته دغه هېواد کې اقتصادي کړکېچ زیات شوی.
لیکنه کې د بیلګې په ډول د کابل، هرات او بامیان ښارونو یادونه شوې چې بې وزله کسان په کې د ډوډۍ سوال ته په لویو کتارونو کې ناست وي.
لیکوال ویلي، کله چی څوک دې ښارونو کې ګرځې د شرم احساس کوې، ځکه چې خلک یې بې وزله دي او کله نا کله د خپلو هغو لاسته راوړنو د دفاع په خاطر ان وژل کېږي چې تېرو دوو لسیزو کې یې ترلاسه کړي دي.
له افغانستانه د امریکایي او نورو بهرنیو ځواکونو له وتلو دا دی ۶ میاشتې ووتې، خو لیکوال انتقاد کړی چې همدې لږه موده کې امریکایي او بریتانیایي رسنیو د افغانستان وضعیت هېر کړی دی.
جان سیمپسون لږ وړاندې تللی او د افغانستان په اړه یې د امریکا د مخکېني ولسمشر ډونالډ ټرمپ پر پالیسۍ هم نیوکه کړې.
ده ویلي، ټرمپ په لوی لاس افغانستان طالبانو ته وسپاره.
ګارډین لیکلي، د امریکا اوسنی ولسمشر جو بایډن که څه هم مجبور نه و چې د افغانستان په اړه د ټرمپ تګلاره تعقیب کړي، خو وایي بایډن هم د امریکا ګټو ته لومړیتوب ورکړ او پوځیان یې له افغانستانه وایستل.
د لیکوال په باور، د افغانستان د غمیزې لامل د امریکا او نورو لوېدیځو قدرتونو داسې کمزوري په ګوته کوي چې ان د ویټنام له ماتې وروسته هم نه تر سترګو کېده.
()
ګلف ټوډې ورځپاڼې په یوه راپور کې د نړیوال بانک د مشرتابه هغې پرېکړې ته اشاره کړې چې ویلې يې دي، د افغانستان د کنګل شویو شتمنیو له جملې یو میلیارد ډالر کرنې، روغتیا او کورنیو پروګرامونو ته ځانګړي کوي.
په مطلب کې راغلي، دا پرېکړه هغه هڅې ګړندۍ کوي چې په افغانستان کې د خرابېدونکي بشري او اقتصادي ناورین د مخنیوي په هدف ترسره کېږي.
وړاندې لولو، دا پيسې روان ۲۰۲۲ کال کې د افغانستان د بیا رغونې له صندوقه اخیستل کېږي او د لګښت لپاره یې د ملګرو ملتونو اړوندو بشري ادارو ته سپارل کېږي.
()
اکسپرېس تریبیون ورځپاڼې بیا په خپله تازه ګڼه کې روسیې ته د پاکستان د لومړي وزیر عمران خان د همدې اوونۍ پر پلان شوي سفر تبصره کړې ده.
لیکنه کې راغلي، اوس مهال توده موضوع د روسیې او اوکراین نانندرۍ دي، خو لیکوال ویلي، عمران خان به د روسیې له چارواکو سره پر نورو مسایلو سربېره د افغانستان پر وضعیت هم خبرې وکړي.
ورځپاڼې لیکلي، پاکستان د امریکا متحد دی او دې برخه کې باید شاتګ ونه کړي، خو لیکوال ټینګار کړی چې پاکستان له روسیې سره هم خپلې اړیکې پياوړې کوي.
()
د تهران راډیو د اینټرنیټ پاڼې عزتمنو لوستونکو ورځپاڼو ته کتنه پاې ته ورسیدله نور له تاسو اجازه غواړو خوښ وسئ .
