د نړۍ مظلومو ملتونو،دسپاه له ځلانده کارنامو ګټه پورته کړې
د اسلام د ګران پيغمبر د یوه لمسي او د امامت او ولایت د آسمان د دریم ځلانده ستوري حضرت امام حسین علیه السلام نیکمرغه زوکړه د حضرت امام خمیني په فرمان سره په ایران کې د پاسدار ورځ نومولې ده .
په همدې مناسبت د ایران د اسلامی جمهوریت د پوځ عمومي قوماندان سردار سید عبدالرحیّم موسوي د اسلامی ایران د پوځ لوي درستیز سردار محمد باقري،د حضرت خاتم الانبیاء د مرکزي غونډ قوماندان سردار غلام علی رشید او د اسلامی انقلاب د سپاه پاسدارانو عمومي قوماندان سردار حسین سلاميته په جلاجلا پیغامونو کې وئيلي دي ، د اسلامی انقلاب په ولولناکو او پرتمینو کلونو کې د سپاه پاسدارانو ځلانده کارنامه چې په دفاعي ، په ځان د بسیاینې ، اعتقادي ،کلتوري او له ولس سره د مرستې په حوزو کې ددغه انقلابي اورګان د قوماندانانو او پرسنلو دجهادي خوځښت ،سرښیندنې او زیار نتیجه ده ،، له ځان سره ئې یو شمیر ارزښتمنې ګټې درلودلي چې د اسلامی ایران پر ولس سربیره ، د نړۍ مظلومو ملتونو هم د دوي په سیوري کې ورڅخه ګټه پورته کړې ده .
د ایران د اسلامی جمهوریت د پوځ عمومی قوماندان روښانه کړې ده ، د پاسدار ورځ د هغو حماسه پنځونکو میړنیّو د سرلوړئ او شجاعت د ستاینې سمبول ده ، چې د عزت ، سرلوړۍ او ولایتمدارۍ په لارې کې د اقتدار او د بریالیتوب او په لوړو څوکودریدلي دي او نامې ئې د اسلامی نظام د بدغواړو خوبونه ورک کړي دي
