ایران د اکراین د بحران له سوله ایز حل څخه ملاتړ کوي
د ایران د اسلامي جمهوریت د بهرنیو چارو وزیر له خپل ترکی سیال سره په تماس کې د اکراین د جګړې له سیاسي حل سره د مرستو لپاره تیاری وښودل.
د ایران د بهرنیو چارو وزیر حسین امیر عبداللهیان له خپل ترکی سیا مولود چاووش اوغلو سره په تماس کې د سیمي او د نړۍ د وروستیو حالاتو او د دواړو هیوادونو تر مینځ د اړیکو په هکله خبري وکړې.
هغه په انتالیا کې د روسیې، ترکیې او اکراین درې اړخیزي غونډې ته په اشارې سره، وویل چي د ایران یو ډیپلماټیک پلاوی به په یاده غونډه کې ګډون وکړي.
امیرعبداللهیان زیاته کړه: د دواړو هیوادونو دوې اړخیزي اړیکې د پراختیا په حال کې دي او په راتلونکو اونیو کې به د دواړو هیوادونو پلاوي متقابل سفرونه وکړي.
چاووش اوغلو هم ایران سره د اړیکو له پراختیا څخه په هرکلی سره، د اکراین له جګړې او د انساني ناورین له رامینځ ته کېدو اندېښنه وښودله او د روسیې، ترکیې او اکراین د بهرنیو چارو وزیرانو غونډه یې د سولي لپاره مهم وباله.
د روسیې سرحداتو ته د ناټو په نژدې کېدو او لمسوونکو اقداماتو په پایله کې روسیه د دونتسک او لوهانسک جمهوریتونو په غوښټنې سره په اکراین کې عملیات پیل کړي.
