ایران د هرات ترهګره حمله په کلکه وغندله
د هرات په جبرئیل ښارګي کښې د جمعې په ماښام شوې چاودنه کښې څلور تنه مړه او ۲۵ نور زخمي شوي وو
د ایران د خارجه وزارت ویاند د هرات د جرئیل ښارګي په تفریحي سیمه کښې د دغه ښار په مظلومو خلکو باندې د تکفیري عناصرو ترهګره حمله چې د ډیرو افغان ښاریزو د مرګ ژوبلې سبب شوه، په کلکه وغندله
سعید خطیب زادہ پرون د افغانستان خلکو په تیره بیا د یادې ترهګرې پيښې د قربانیانو کورنیو ته د تسلیت په ویلو سره یوځل بیا د اسلامي امت د دښمنانو د تفرقه اچونکو دسیسو په هکله خبرداری ورکړ.
د ایران د خارجه وزارت ویاندوي د طالبانو د لنډمهاله حکومت له خوا د ښاریزو د امنیت د مسئولیت د منلو او د احتیاطي تابیاؤ د زیاتولو او د خلکو په تیره بیا له ګواښونو سره د مخامخ قومي او مذهبي پرګنو د ساتنې په لړ کښې د اقداماتو په زیاتولو ټینګار وکړ.
هغه څرګنده کړه: د ایران اسلامي جمهوریت ډاډ لري چې په افغانستان کښې مسلمان وروڼه او خویندې به په یوزړه توب، همفکرۍ او برابر ونډې سره د خپلو دښمنانو تفرقه اچونکې دسیسې ناکامې کړي.
د ویلو ده چې د هرات په جبرئیل ښارګي کښې د جمعې په ماښام شوې چاودنه کښې څلور تنه مړه او ۲۵ نور زخمي شوي وو.
