ایران د سمندري ځواک جنګی بیړۍدسیمه ایزوګواښونوپه تناسب سره ماډرنوي
د ایران دفاع وزیر خبرداری ورکړ ،اسلامی ایران به د ایران د ملت دګټو په دفاع او د ګواښونو په ختمولو کې یوه شیبه هم ځنډ ونه کړي
زمونږخبریال راپور راکړ ، د ایران داسلامی جمهوریت دفاع وزیر د ایران جنوب هرمزګان ولایت ته په سفر کې په بندرعباس کې د دفاع وزارت پلان شوو سمندري پروژو کتنه وکړه .
دایران دفاع وزیر تورن جنرال محمد رضاآشتیاني د جنګی بیړیو ، سطحي ماکوګانو او دسمندر لاندې اوبتلونو دجوړیدا د مرحلو د لیدو په وخت ووئيل ، د مځکنیو ، هوائي او په تیره بیا د سمندري سویو پشمول په درستو دفاعي اړخونو کې دقدرت پراختیا د هیواد دفاعي پروګرامونو یو لومړیتوب دی .
دایران دفاع وزیر ددې خبرې په کولو سره چې دایران جیوپولیټیک موقعیّت په تیره بیا په فارس خلیج سمندري حدودو کې له سټراټژيک اهمیّته بر خمن دی ، زیاته کړې ده ، دفاع وزارت به پخپلو درستو سمندري حدودو کې د وسلوال ځواک له اړتیاؤ او له سیمه ایزو ګواښ،نو سره په تناسب کې د وسلوال ځواک سمندري بیړئ او تجهیزات د ورځې په اساس ماډرن کړي .
تورن جنرال آشتیاني په دوام کې ووئيل ، سیمې او نړۍ ته دایران د اسلامی جمهوریت پیغام د سولې او آرامښت پیغام دی او له بل پلوه باؤري یوو چې دسیمې سوله او ثبات د سیمې د درستو هیوادونو په شتون او مشارکت سره د ترلاسه کیدا وړ دی او د ایران اسلامی جمهوریت د پردَیو او له سیمې د ورآخوا ځواکونو شتون په سیمې کې د ناکرارایو او اړئ ګړئ سبب ګڼي . د ایران دفاع وزیر دغه راز خبرداری ورکړ ، اسلامی ایران به د ایران د ملت دګټو په دفاع او د ګواښونو په ختمولو کې یوه شیبه هم ځنډ ونه کړي
