ایران او آذربایجان جمهوریت له ناسمو تفاهمونوڅخه تیرشوي دي
د ایران خارجه وزیر دې ته په اشارې سره چې تهران او باکو د ناسمو تفاهماتو له مرحلې تیرشوي دي ، ووئيل ، په تیرو میاشتو کې د دواړو هیوادونو ترمینځ دتجارت اندازې وده کړې ده .
د ایران خارجه وزیر حسین امیر عبداللهیان د آذربایجان جمهوریت له خارجه وزیر بایرام اف سره په ګډ خبری کنفرانس کې،د دواړو هیوادونو دمتقابلو ګټو ،اعتماد،او د ښه تفاهم په اساس د دواړو هیوادنو داړیکو پر ژورتیا په ټينګار سره زیاته کړه موافقه مو کړې ده،چې د ایران او آذربایجان جمهوریت ولس ددواړو هیوادونوترمینځ له تفاهماتو او موافقو او د چارواکو دتګ راتګ په باب په ملموسي توګه پرمختګ احساس کړي .
امیر عبداللهیان ددې خبرې په کولو سره چې د اذربایجان جمهوریت له خارجه وزیر سره په نننیو خبرواترو کې ، د آذربایجان جمهوریت پشمول د هیوادونو دمځکنۍ بشپړتیا موضوع باندې ټینګار وشو روښانه کړه،ایران یو ځل بیا د نړیوالو ح قوقو د پیژندل شوو اصولو په اساس دقره باغ دشخړې د دوام پر سوله ایز حل ټينګار وکړ .
د ایران خارجه وزیر همداراز دې ته په اشارې سره چې ډير زر به د ایران، اذربایجان جمهوریت او ترکیې د خارجه وزیرانو درې آړخیزه ناسته په تهران کې ترسره شي ووئيل ، ټاکل شوې ده ډ آذربایجان جمهوریت ولسمشر الهام علی اوف هم ایران ته په سفر راشي .
د آذربایجان جمهوریت خارجه وزیر جیحون بابرام اوف هم په دغه ګډ خبری کنفرانس کې ددې خبرې په کولو سره چې د ګاډو اوټریکټرانو د ګډ تولید په باب مو له ایران سره ځيني موافقې کړي ،ووئيل ، د بریښا او اوبو د ډيم او بټۍ تاسیس او پرانیسته ، د دواړو هیوادونو یوه مهمه او لومړۍ پروژه ده .
هغه همداراز په دې په ټينګار سره چې آذربایجان جمهوریت ، له ارمنستان سره داړیکو عادي کول غواړي ، د آذربایجان جمهوریت او ارمنستان ترمینځ ئې د نړیوالو ارتباطاتو او ټرانسپورټ د لارو د پرانیستو لپاره دباکو دچارواکو چمتووالی اعلان کړ.
